Draft-ligji i Këshillit të Ministrave Italian
Lexojmë më poshtë pikat kryesore në lidhje me temën e emigracionit;
Art.1 (Dispozitat në fushën e lejes së qëndrimit dhe kontrollit të kufirit)
Dekretit legjislativ 25 korrik 1998, n.286, i janë bërë modifikimet e mëposhtëme:
b) nenit 6, pas pikës 1, i është shtuar si në vijim: “1-bis) Konvertimin e lejes së qëndrimit në motive pune, në rastet kur plotësohen të gjitha kërkesat, të lejeve të qëndrimit si më poshtë:
- leje qëndrimi për mbrojtje speciale “protezione speciale”
- leje qëndrimi për fatkeqësi ose katastrofa natyrore “calamità”
- leje qëndrimi për vendbanim të zgjedhur “residenza elettiva”
- leje qëndrimi për personat pa shtetësi ose për marrjen e shtetësisë “acquisto della cittadinanza o dello stato di apolide”, përjashtuar rastet kur i huaji ka pasur leje qëndrimi për kërkesë azili “richiesta asilo”
- leje qëndrimi për aktivitet sportiv “attività sportiva”
- leje qëndrimi për punë të llojit artistik “lavoro di tipo artistico”
- leje qëndrimi për motive fetare “motivi religiosi”
- leje qëndrimi për asistencën e të miturve “assistenza minori, art.31”
e) neni 36, pika 3 është zëvëndësuar si në vijim: leja e qëndrimit për kurim dhe kujdes mjekësor “cure mediche” do të ketë një kohëzgjatje të njëjtë me kohëzgjatjen e parashikueshme të trajtimit terapeutik, do të jetë e rinovueshme deri sa të zgjasin nevojat terapeutike të dokumentuara dhe, sidomos, do të lejojë zhvillimin e një aktiviteti pune.
Modifikimi i kohës së marrjes së shtetësisë.
Koha maksimale e përfundimit te procedurës për kërkesën e shtetësisë italiane nga një i huaj i natyralizuar në Itali, ndryshon nga katër në tre vjet. Ky modifikim nuk është, sidoqoftë, prapaveprues dhe vlen vetëm për aplikimet e reja. Personat që kanë bërë kërkesën përgjatë kohës që ishte në fuqi ligji i mëparshëm, nuk përfitojnë nga ky ndryshim.
Modifikimi i regjimit të dëbimeve dhe riatdhesimeve.
Draft-ligji parashikon gjithashtu ndalimin e dëbimit në rast se riatdhesimi mund të jetë shkak rreziku që i huaji të pësojë trajtim çnjerëzor ose degradues dhe në rast shkeljeje të së drejtës për respektimin e jetës së tij, private dhe familjare. Deri më tani, legjislacioni aktual parandalonte dëbimin vetëm nëse ekzistonte rreziku i torturës për personin e refuzuar. Në të gjitha këto raste të huajit do t’i lëshohet një leje qëndrimi për mbrojtje të veçantë.
Draftligji do të hyjë në fuqi pas publikimit në Gazetën Zyrtare.
P.S: duke parë kërkesat dhe pyetjet e shumta që arrijnë, po shtoj që ky nuk është një draft-ligj për pajisjen me leje qëndrimi, por vetëm për konvertimin e leje qëndrimeve të lartpërmendura.